سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 ريدنا القديم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 314
تاريخ التسجيل : 08/03/2017
العمر : 24

مُساهمةموضوع: ريدنا القديم   الثلاثاء 14 مارس 2017 - 23:12

سوس مرق ريدنا القديم
واتهدا بيتي الشال هواك
واتيتم احساس ريدي ليك
وااا حسرة القلب الرجاك
بعتيني في سوق الوجع
لي نجمه طلت في سماك
لكني غلطان في الاساس
شان ريدي ماكان مستواك

خليكي في الليل انكسار
كان بكره نورك يلقا جيش
يقدر يزيل ظلم السنين
وتربي لي جنحيكي ريش
ما انا ياني من جرحي المعاك
يمكن اعيش او ما اعيش
انسحبي مني بلا جدال
وارجوكي اطلعي بي بشيش

اصلا مروق الروح اكيد
احيان بيعني الارتياح
ومابتعرف السحب المسير
لو مامساعداها الرياح
حاولتا اتناسى الحصل
جوايا القالك سماح
لكن لقيتني بلا شعور
دربي اليجيبك زاتو راح

من وين اجيبلك تاني ريد
وانا كلي مشحون بالالم
وكيفن اضمك في الضلوع
في حته سميتا العدم
مافيها غير حبة دموع
واحساس موشح بالوهم
وانسان اذا استنشق عبير
في كل زفره يعيدو هم

علمتا رجليكي المسير
قبال تشابي علي المشي
وعلمتا قلبك كيف يعيش
وكيف من جروحك تنتشي
وكيفن تحاربي اليظلمك
وكيف تبقي ورده وتختشي
لكن اتاريني انخدع
ومن ريدي ما اتعلمتي شي

ماكل ضحكه دليل فرح
وكم ضحكه دافراها الدموع
وكم آآهه طلعت بالغصب
لي الليله بتكوس في الرجوع
انا قلتا من بعدك خلاص
سكنتا ريدك في الضلوع
لكنها البينا انتهت
وشمتي في قلبي الجموع

انا من جروحك اكتفيت
واصبحتا تاني انسان جديد
وغيرتا قلبي الكان معاك
علمتو يتناسى ويريد
كان من ظلام همو المعاك
من تاني كونو يطلو عيد
وزي ماعرفنا من الكبار
مابفل حديد الا الحديد

انسيني عيشي الباقي ليك
يمكن تلاقي اليشبهك
ويمكن يجيك جمهور جديد
من تاني يدخل مسرحك
انا غايتو لا محتاج اجيك
لافي الخيال داير المحك
وان جابك الشوق تاني لي
قلبي الجرحتي بيجرحك

حسام كبلي
الرجوع الى أعلى الصفحة اذهب الى الأسفل
http://algawafy.yoo7.com
 
ريدنا القديم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: حُسام كِبلي-
انتقل الى: