سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 نحن متين نسيناك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 379
تاريخ التسجيل : 08/03/2017
العمر : 24

مُساهمةموضوع: نحن متين نسيناك   الثلاثاء 28 مارس 2017 - 23:16

نحنا متين نسيناك.. عشان ياغالي نتذكر
وأيه شاغلنا غير زكراك... ولهفة علي العيون تظهر
سؤالك لو عشان مشتاق... وحاتك شوقنا ليك أكتر
ولو داير تشوفو هواك... كلامنا الفي العيون فسر

مكانتك غاليه جوانا... وما محتاج عليها دليل
وصورتك ديمه هي معانا... معاها الكون نشوفو جميل
نشوفك في دعاش جانا... أريج نسمه وغصون بتميل
وفي النجمة المسامرانا... بعد هجعة هوايد الليل

شنو الفي الدنيا منك أهم...براها قلوبنا تشرح ليك
دي حتي الروح مفارقانا... مطوفة في مدار حواليك
لو شايفنا مشغولين ...أكيد شاغلنا خوفنا عليك
ولو شايلين وحاتك هم ...شايلين هم فراق عينيك

لو شافت عيوننا زهور...نحسك إنت فوقا ندي
ولو فرهد ربيع في الكون...أكيد من طلة بيكا بدا
لو غرد كنار في الروض ...تغني وفوق غصونو شدا
بوصف لينا في روعة وجمال ما بطول مداهو مدي

نفكر نحنا يوم ننساك...ده أصلو المستحيل يحصل
تجاوب ليك مشاعرنا...وحروفنا قبل نقول توصل
ولو داير عليها دليل...جواب للشوق حوي وفصل
اسأل مننا عيونك....ودقات قلبك الفيصل

عارفين إنك انت رقيق...وما بتقصد تجرحنا
عتابك إنت لينا وصل...وبس طالبين تسامحنا
أريت ريدتنا وصلت ليك...كتير الجوه ما بحنا
ونحنا أكيد مسامحنك...عتابك زاتو فرحنا


(سحر عثمان شرف)
الرجوع الى أعلى الصفحة اذهب الى الأسفل
http://algawafy.yoo7.com
 
نحن متين نسيناك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: سحر عثمان-
انتقل الى: