سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 يا الذتينا نار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 379
تاريخ التسجيل : 08/03/2017
العمر : 24

مُساهمةموضوع: يا الذتينا نار   الثلاثاء 28 مارس 2017 - 23:21

يا الزدتينا نار وعلى جروحنا جروح
ويا النجمة الأبت من فوق سمانا تلوح
ماتورّى القليب البى وراك مضبوح
كيف الدنيا تنعاش جتّة من غير روح ؟؟
*******************
ماقالو الزمن كل يوم بجيبلو كلام
لا بدوّم فرح لا بدوّم الآلام
ماقالو الحزن بتخففو الأيام
مالو اليوم فى غيبتك بنحسب لى عام !!
******************
أنا دايراك معاى يا الماك ولادة هم
دايراك للقبيلة الخال.ووالدة وعم
انا دايراكى وسط الناس وكت نتلم
ودايراك للفرح والناقص البنتم
******************
دايراك للعيون الفيكى ما اتملّت
وللروح المشحتف شوقا ما اتبلّت
دايره ألمح بسيمتاً فيكى إتجلّت
ودايره أسمع حديثاً ليا ماغلّت
******************
أنا دايراك تكفكفى دمعاً إتحدّر
ودايراك لى مريضنا تقولى بُعد الشر
رايك دايرا وكتين الكلام يكتر
ودايره اسمع نعم..وكتين أقول مرمر
*****************
أنا دايراكى زى الزهره وسط أخواتك
ودايره القدلة يا السمحة الكتار حسناتك
انا دايراكى للجارات تواصلى صِلاتك
ما دايرالك الموت والبليّة الجاتك
*******************
دايره الشوفة يا أم طبعاً عديل ومليح
يا السبتينا فوق جمراً تهبو الريح
دايراك للخُرط والمبنى والتصريح
ودايرة مصابحة وش من صباحو صبيح
******************
دايراك جمبى أخت الضى وأم الغالى
ودايره أسمع حديثا من خشيمك حالى
أنا دايراكى زى نجم الثريا تلالى
وأنا دايرالك الفوت والمقام العالى
*****************
ياالزكراكى طيباً مسكو فاح وإتضوّع
فراقك كتّر الهم والفؤاد إتلوّع
لصنوف العزاب إختار وشكل ونوّع
ولى راحتنا رحّل.وختا رحلو وكوّع
******************
فراقك شال منام العين وللجوف حرّق
يا المطره القبُل ما تصب سحابا اتفرّق
فراقك علا للبنيان وللساس غرّق
خلّى الروح تغرِّب.وشال هناها وشرّق
*******************
ودّعناك رحيم رب الكرم ملجانا
ودعناكى راضين يا الكسبتى رضانا
ودعناكى طالبين لى قبول دعوانا
راجين رحمة الما خاب معاهو رجانا......

(سحر عثمان شرف )
الرجوع الى أعلى الصفحة اذهب الى الأسفل
http://algawafy.yoo7.com
 
يا الذتينا نار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: سحر عثمان-
انتقل الى: