سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 ســــلام اول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 314
تاريخ التسجيل : 08/03/2017
العمر : 24

مُساهمةموضوع: ســــلام اول   الأربعاء 2 أغسطس 2017 - 23:28

سلام اول

قدر ما اتمدد الخزلان
وعرش الطيبه اتزلزل
وقدر ما ريح جفاكي طغت
وشيطان الفراق سول
نكون للفرقه عنوانين
ومنك جا الغلط اول

وسلام تاني
علي الزوله البنيتا حروف
سكن في كونا وحداني
وعلي الفي عينا كنتا ملاك
وبقيت غشاش وشيطاني
وعلي الهدمت حصون الريد
وجايه تقول انا الجاني

وسلام تالت
علي ارضا فقيره وبور
سكنتها رغم مآساتي
وعلي الدرست فنون الغش
زمن من طفله بتاتي
وعلي الرسلتلا الاحزان مدونه
مني كالأتي?

اما بعد?
اما بعد خزلانك
واما بعد زول ضماك
وسميتيهو شيطانك
فعذرا لو مراكبي معاك
هجرت قاصده شطئانك
وعذرا شان قبلتك نيل
كتل احساسو فيضانك
فلا اسفا علي فقدك
ولاااا احساسي لو خانك

اقوليك شئ?
كفرتا انا بيك
وبي ريدك
سواد عينيكي والنيه
وبي طفل الغرام العاق
معاك الشالتو ايديا
حرام لومات هواك جواي
اشيل من كاتلك الديه
كفايه انك بقيتي ظلام
وتجسيد حسي للحيه
فيا اسفي البقيت
مآسوف?
علي الهجرت مدينتي الفاضله
لي مدن الفساد والخوف
عليك قدر الفرحتي معاي
منو الرسم انعكاسي حروف
علي لوح فرقتك جواي
وحطم في محيطو الطوف
وغرق فكرة استناك
صنع لي احساسي كم معروف
كفاية انك بقيتي ظلام
وانا للنور بقيت ملهوف
وهو وينو الريد?
ووينو الممكن ابكي عليهو
ولا اتأسف انو هو ضاع
ومنو القال القمر بيموت
اذا اعترض انعكاسو شعاع
اساسا ما انتظرتا معاك
يصل حد ريدنا للاشباع
وطبيعي الاتولد مسروق
تكون اخر نهايتو صراع
فما يغرك سكاتي عليك
رتابة رتمي والايقاع
اعرفي اني قادر ارد
قصاد صاعك يجيك كم صاع
وشكراً اني فيكي لقيت
يقين لي منطقي الملتاع
وشكرا شان عرفتك جد
عرف شكل البخون والباع
وماكل البيلمع دُر
كتير من التراب لماع
صنم ريدك خلاص هديتو
سميتك يغوث وسواع
كنتي اللات
وكنتا يقين
كنتي العزى
كنتا حنين
كنتي مسيلمه الكذاب
وكنتا انا بي براءه جنين
زرعتي دواخلو مليون شك
قبل تمسك عروقو الطين
تاكدي حقي بظهر فيك
وماعافيهو في الدارين
ولو وعد العذاب منك
بقولك طيري في ستين



حسام كبلي
الرجوع الى أعلى الصفحة اذهب الى الأسفل
http://algawafy.yoo7.com
 
ســــلام اول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: حُسام كِبلي-
انتقل الى: