سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 نصرالدين ينشد و ابوقرع يرد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 325
تاريخ التسجيل : 08/03/2017
العمر : 24

مُساهمةموضوع: نصرالدين ينشد و ابوقرع يرد   الأحد 13 أغسطس 2017 - 12:36

نصر الدين

أم ريده مطوله
في الفؤاد مطبوعه
ها الأيام بقت لي
بي حسس متبوعه
وين يا أبو قرع قوافيك
ما بجف منبوعه
لينا كلنا في سهر
القوافي مسموعه


صدّق غير تردد
واستمع موضوعه
الكاســــــيها لــــــــيل
لاعند القصار في ضلوعه
أفتل فوقا أقراص
الجواهر مصنوعه
أم خصلا مسدله
في الضهر مجدوعه


محكومه ومتبره
في القوام مربوعه
شتيله نابته في
طرف الجروف مزروعه
عزيزه وطـــــــــاته
وفد حبل مضروعه
غفـــــــيرو الغـــافرو
كاتب من بعيد ممنوعه


المن قلبو شتلات الحسد منزوعه
خلا لهايبي في جوف
العشوق مدروعه
امياقي البكت بي
حرقه سايله دموعه
حاده سيوفا لي كتل
البشوفا مشروعه


محمد ابوقرع

نصرالدين اخوي
حروفي نابعة
و بالحزن مسجوعة
في وادي القوافي
الجاري سيل ينبوعة
منقوع الجمال الكست
احشاي بـ دموعاها
ضنت علي و بخلت
كمان بـ ربوعها

نسجت لي من الهجر توب
و كمان معاهو عباية
خلتني مريض محتاج
طبيب معاهو رعاية
يا ست الحسان
كفاك ياخي كفاية
من حالي العلي
ما بتنفعني بخرة
ولا قلم و دواية

نصر الدين قست
وقفلت ابوابها
قلعت شجر الفرح
وشتلت مكانو رهابها
لي مسيد الشوق
ستفت اغراضها
وفي حضرة فراق
حجزت لي كم تكابة

بنشد اليك يا نصر
كان تنصفني
من حالتي العلي
يا اخوي كان تنصحني
قلبي انفجر و
طرشقت معرفتي
الحقني يا اخوي
من البقولو النصفي

لو رحلت زحل او
في الثريا بجيها
و بص السجم في جوفو
راح خـــــــــافيها
وشخصي الضعيف
من تيهو كان باكيها
لي باكر بكون في
مكاني مستنيها

وقلبي الرهيف ما
بحتمل هجران
و السفر بحسو
زي التقول خزلان
من سفر الحبيب
يتجرع القطران
قولو لي كيف يسعد
بشر في عالم القضبان

اصلو السجن ما شرط
يكون بـ جريمة
السجن فرقت حبيب
لي زول عواطفو سقيمة
في كيد العوازل
حالف اربطو تميمة
لابد كمان ريدي
تلمو قسيمة

وفي الآخر يا اخوي
بكتب اليك اشواقي
بـ سفر الحبيب
اتبعثرت اوراقي
قلبي السجم في
حبو دابو بتاتي
قبل الحــــبو
بـ زول كان بيهاتي.

الرجوع الى أعلى الصفحة اذهب الى الأسفل
http://algawafy.yoo7.com
 
نصرالدين ينشد و ابوقرع يرد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: محمد ابوقرع-
انتقل الى: