سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 آخــــــــر حـــــــرف

اذهب الى الأسفل 
كاتب الموضوعرسالة
Admin
Admin
avatar

المساهمات : 428
تاريخ التسجيل : 08/03/2017
العمر : 25

مُساهمةموضوع: آخــــــــر حـــــــرف   الأربعاء 27 سبتمبر 2017 - 21:59

اليوم كتبتا اخر حرف
ومن يدي اسقطا القلم
ونعيت مشاعري الشالتك
قبال يشيلا معاكي هم
ووجهتا حيل شعري الفتر
يكتب علي جيد الندم
الحب الم
والشوق الم
والخوف وهم
والباقيات الصالحات من عمري
عدت فيها كم
وانماط حزن صبري القليل
كم مبدأ بالنكسه اتوصم
واحلامي قدر اتطاولت
والتني بالضيق والعدم
واخر حبيبه عشقتها
من سلسبيلا شربتا سم
وكان الاهم?
اني انتحرتا علي ضفاف
نيلي البيسقي سواي سماح
واني الكتبتا عهود هواي
ولقيت هواي لي مامباح
واحلامي بين تحبي وتزح
ما طلا يوم كونا الصباح
يا حليلا ما بتقدر تصل
مسكينه مكسوره جناح
وانا ياجراح?
ماعندي حيل يقدر يشيل
صوتي ويحثو علي الصياح
وبيوتي اضعف من تقيف
لي نسمه مابتحمل رياح
وانا قلبي شبا علي الفشل
مابحتمل فرح النجاح
ودرب الاماني الجابني ليك
فتشتو زاتو لقيتو راح
وااااه ياجراح
مجبور اعاند في قدر
رغم انو واقع لا مناص
واحلامي تهدر دمي غل
واشباحي ماتلقا الخلاص
وانا في مواكب خوفي اطوف
من ابقا مسكن للرصاص
وما القا عين تبكيني دم
لا زول يطالب بالقصاص
وانا ياشجون
غنيت عليها غنا الحروف
قدر الله ما اداني حيل
وكل ما السعاده تجيبا لي
تتخاتفا احزاني وتشيل
نيلين من الشوق والحنين
يتلمو يبقن عندي ويل
واتلفح الخزلان واسير
ومن ليلي يطلع تاني ليل
واااه يا مصير
باريت خطاها درب درب
فاتتني ودرتا الدليل
وشافع هواي الرادا موووت
سكتو بالصبر الجميل
ياحليلو لسع ماقدر
يتعلم الفرقه ويشيل
احلامو في كف الضياع
بي منطق الوجع النبيل
وانا لسه نيل?
بسقيها دمي واموت كمد
واشرب عشان ريدا الزعاف
وابقالا درويش حضرتا
حد ماتصيح تلقاني لاف
وشوقي بيردد الله حي
وقلبي بيردد الله حي
وضلاما من بعد السواد
من ضيي يتلملم يخاف
وانا ياكفاف
عافيلك الوجع العلي
كان تلقي عن غيري السلام
ومابجدي في القدر الوقع
كتر البتابت والملام
وكم في حقوق الريد سبق
عدل التفاصيل الحسام
لكنو في اخر الطريق
مجبور ادون في الختام
في الريده يا قلبي السماح
وفي حظي يادنيا السلام



حسام كبلي
الرجوع الى أعلى الصفحة اذهب الى الأسفل
http://algawafy.yoo7.com
 
آخــــــــر حـــــــرف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: حُسام كِبلي-
انتقل الى: