سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 ثـم انو ــ حسام كبلي

اذهب الى الأسفل 
كاتب الموضوعرسالة
Admin
Admin
avatar

المساهمات : 428
تاريخ التسجيل : 08/03/2017
العمر : 25

مُساهمةموضوع: ثـم انو ــ حسام كبلي   الخميس 5 أكتوبر 2017 - 0:18

ثم انو


المسافات مابتبعد
بين قلوب حافظاهو ريده
ومالو شعري الفاتني طول
جاني ناسجك في قصيده
لما فيها الكيف وبنك
وفكرة اللقيا الوليده
وضحكه من شافع بيلعب
عاجبا لعباتو الجديده
وقصه السمحه وعريسا
اليومي حبوبتو بتعيده
شان تعلمو يبقا شاطر
ويبقا دستور حكمو ريده
بس اقولك
رغم بعدي العارفو طول
لحظه مافاتك خيالي
وكلما يبعدنا عارض
صوتي يندهلك تعالي
شيلي حملي الهدا حيلي
اهزمي الخوف والليالي
وكمليني اكون حبيبك
ابقي في ضلعي احتمالي
ولو مصدقه اني عايش
مااظنك عارفه حالي
شفتي كيف
شفتي كيف عاشقك بيسال
اي زول مرابو طيفك
واي نجمه تضوي يومي
واي نيل ضماهو قيفك
ياخ عليك بالجابني ذاتك
وصبا في جواي خريفك
مالي من بعدك بقاسي
وقاربي ساكن في رصيفك
ومالي بستبعد غيابك
وفكرة الفرقه التخيفك
ومهما جار ريدك عليا
القا قلبي دوام حليفك
غايتو اظنك
جيتي من ضلعي البيحلم
بي مجيك يبقا اكتمالو
ومن وطن ضماني قبلك
وضمت احلامك رمالو
ولي حبيب اختار يكونك
وبيكي يتجاوب سؤالو
عن ملامح زوله زيك
ديمه كانت شاغله بالو
وعن حقيقة انو شاعر
عاشو ريدك في خيالو
وحارب الكون شان يريدك
وساهم الشوق في نضالو
ثم إنك?
قلتلي ياحلوه مالو?
حاسه انو نساك وسابك
واختلف في اللهفه شوقو
وانو مهمل ما زي اول
ومابيتم للريد حقوقو
ياخ عليك الريد تعالي
وتمي بي جيتك فروقو
وشوفي وين جواك مكانو
وشري كل جفاكي فوقو
جرحيهو وابقي ظاالمه
وابقي عتمتو من شروقو
تلقي برضو حنين وشايلك
دم يدفق في عروقو
وبرضو لسع?
ماكي عارفه
انو كل يوم في غيابك
يرسمك في الف لوحه
مره يختارك اميره
ومره شافعه ولابسه طرحه
ويبقا هو الغول في حكايتك
وانتي فاطمه القالو سمحه
وكل ما ناداهو طيفك
يتفزع ومن نومو يصحه
ويندهك بي كل حروفو
يكتبك اشعار ويمحه
انتي ما الفاقداهو وحدك
هاكي من البيهو لمحه
احسبي السكك التجيبك
واضربيها في الف صفحه
تلقي انو جروح غيابك
كل بوصه قصادا جرحه



5/2/2017


حسام كبلي
الرجوع الى أعلى الصفحة اذهب الى الأسفل
http://algawafy.yoo7.com
 
ثـم انو ــ حسام كبلي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: حُسام كِبلي-
انتقل الى: