سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 قفشات مع ابتهاج و عاصم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 379
تاريخ التسجيل : 08/03/2017
العمر : 24

مُساهمةموضوع: قفشات مع ابتهاج و عاصم   الخميس 9 نوفمبر 2017 - 1:28

🖊⛱ قفشااااااات ⛱🖊

ابتهاج الوالي .....🖌

عز الوحشه نص الليل..... بعيد
تذكارو
ود عز الرجال سارق .....قليبي
خبارو
يالصلاح عموم وروني ....كيف
اخبارو
من دون الخلوق قلبي... الرهيف
اختارو

عاصم بابكر.....🖋
ياحروف الشعر زورنو ....لاعن
دارو
بوحن بي غرام جواااااااااي لهلب
نارو
المن بحر الجمال زادولو ....فوق
عبارو
من حسنو البديع حتي.... البننت
غارو

ابتهاج الوالي.....🖌
ياحليلو الهميم قاطع ......عموم
اخبارو
ياربي الكريم احفظ .....جليل
مقدارو
في صحا في منام فارض.... علي
خيارو
اعظم بقعه بعد الكعبه... ظنيت
دارو

عاصم بابكر .....🖋
اولاد شوقي من شوقم .. لدارك
سارو
يالريدك نقر جوه ... الشرايين
طارو
ياللهجك بشرق وحالي .....يوت
مسدارو
عاشقك فوق دريبك بهجة .ضلا
مسارو

ابتهاج الوالي .....🖌
صليت الشفع ياخلي .........ثم
اوتارو
كان البي يزول أو........ ينعدل
مزمارو
فاجأني النهيض عديت ......على
اسرارو
إلا الشوق طفح فاض....... الدمع
مدرارو

عاصم بابكر.....🖋
فيك غنيت غناي والشوق.... نقر
اوتارو
قلبي الاشتهاك ليك فارشو دايما
دارو
يالخليت قليب عاشقك..... بتوقد
نارو
ارحم زول هواك واهداك... جميل
اشعارو

ابتهاج الوالي.....🖌
فيك غنيت غنا القمري ...البحن
لديارو
مهمن يبتعد برجع .........يحن
لصغارو
موجوع القلب نازف ...... مغطى
غيارو
دون شوفتك قسم كل.... المحن
اتبارو

عاصم بابكر.....🖋
ليك قوقن قماري الشوق .. وغني
هزارو
وفي حسنك يمين عاصم ..نظم
مسدارو
وقلبك يا امسماح بالطيبة هاشي
خدارو
ده الخلاني من دون .......القلوب
اختارو

ابتهاج الوالي ....🖌
ليهو الجنه سيد الريد ولي.. انا
نارو
ليل الشوق طوييل كيفن يعود
إقصارو
مادام الفراق سادل ..........عليا
ستارو
ارحمي ياهموم قلبي ....البتوقد
نارو

عاصم بابكر🖋
جوه قلوبنا جد يالرايقة ..ليك
مجال
وماتستاهلي النيران ....وضيق
الحال
قربك انتي بسعدني ......وبسر
البال
ماقالو الولف ياست ........هواي
كتال

بتهاج الوالي🖌
جوه قلوبنا في الجنبه. التجاها
شمال
سويت غرفه واتملكت ... كل
مجال
في سكناك وساعا يفني ضيق
الحال
ليك الشوق ي سيد الذوق...منى
الامال

عاصم بابكر🖋
شوقن ليك ياست ........ريدي
مابتوصف
وقلبي الاشتهاك بهواكي ديمة
مستف
يالعينيك زي برق .......الشرق
تتختف
كل ماتغيبي عيني ....بالدموع
تتستف

ابتهاج الوالي🖌
شوقن ليك فطري وماني ..فيو
بتكلف
وريدا ليك بي درر......الاماني
مغلف
حبنا يالحبيب منو ..... الخلوق
تتسلف
اركز ياقلب بيناتنا .......ربك
الف

عاصم بابكر....🖋
ود الشوق علي بنوت هواك كم
ولف
وعاصم في جمالك..... للقصائد
الف
وقلبا رايدة عن ريدك .. محال
يتخلف
وكيف ينساك قليب ..عاشقك
بعد ماولف

ابتهاج الوالي.....🖌
شوقن ليك ارهق قلبي ..عقبن
تلف
دربك خطوي ماشيهو... وعليو
اتولف
يا الماليني حد التخمه .......لا
تتخلف
عن ميعاد لقاي مهما الامر ليك
كلف

عاصم بابكر....🖋
عن ميعاد لقاك انا .........اصلو
مابتخلا
مابخلف وعد يالسمحة .. حاشا
وكلا
شوفتك فيها راحة البال ..تزيل
العلا
ويوم اجفاك بحس الروح ..وراك
منسله

ابتهاج الوالي.....🖌

ليك مني الوداد والشوق... قسم
ماقل
زايد وجدي للمخبور.... مقامو
معلا
يوم نتلاقى كوكب ...زهرتي
بيتدلى
والريد من زمان سويتو ..ليكا
مظله

عاصم بابكر....🖋
ياك زينةالفريق واياكي زينة
الحله
يالسمحة ام عجن ليك الحروف
تتجلا
يالنجمك سطع فوق لي ...سمانا
وهلا
في باحة قليبك شوفي..... لينا
محله
ابتهاج الوالي....🖌
يازينة الخلوق نضمي.. العزيز
فيك حلا
مشكارك وجب ......... تتعلا
ما تتدلا
سمح الخلقه والاخلاق ..عديل
ماضله
في الدنيا ام قدود وداعتي ليك
لي الله

عاصم بابكر....🖋
فيض دعوات وصل منك وزال
العله
وقلبي الاشتهاك لاكله يوم لا
مله
كل الشاف عيونك في جحيم
بتقله
شوفتك والقمر واحد يمين في
الطلة
الرجوع الى أعلى الصفحة اذهب الى الأسفل
http://algawafy.yoo7.com
 
قفشات مع ابتهاج و عاصم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: عاصم بابكر-
انتقل الى: