سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 مجادعة مع رماز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 379
تاريخ التسجيل : 08/03/2017
العمر : 24

مُساهمةموضوع: مجادعة مع رماز   الخميس 9 نوفمبر 2017 - 2:31

مجاااااادعة ...🌺🌾

رماز وعاصم
رماز حسن
قوقاي القماري الليلة...... هيج طرفي
ممكونة عشق لكني..... جاير ظرفي
ضيعت الغرام المنو أروع ........حرفي
ما بيدي حيلة عيوني نوحي.. وأذرفي

عاصم بابكر
ياعيني بالشوق الجواك......... اعترفي
وبالحال العلي ياعيني ارتي.... وارفي
زولي العاشقو والفيو ديمة زارف حرفي
نظرات عيني ساي بتودي احمد شرفي

رماز حسن
زهر في نضار من المطر........ ساقنو
فايح طيبو صندل في مسك..... داقنو
جاب ذكري الجميل الصرنا... ما لاقنو
يا حليلو الفؤاد البي البعاد..... شاقنو

عاصم بابكر
اااه من الحبيب واهيين كمان انا منو
زولا ليو زمن حارمنا ......براق سنو
الناسينا رقم قساوتو .......ياخ طارنو
زول ملك العقل وفي قلبي مارس فنو

رماز حسن
ما شفت الكلس ساعة وقف... قدامي
طبب جرحي وقف حنو قلبي... الدامي
دام أصبح هواي و اصبحت ريدو و دامي
لو فارقني بتمناهو .........يوم اعدامي

عاصم بابكر
العاشقو وبريدو وقدرو جواي... سامي
لحاظ امياقو هرست يارماز.... عضامي
الساب دارنا فات بوراهو قلا ... منامي
ساعي دوام لراحو وساعي لي... ايلامي

رماز حسن
العاشقاهو من تبيت عشق ما عادي
لا بحمل فراقو و لا بطيقو..... بعادي
محبوبا مسالم لا بجور لا ...... بعادي
طيب قلبو لو عاشرتو حنو...... بعادي

عاصم بابكر
العاشقو وبريدو وفي .......هواو متمادي
زول ملك العقل وسلب ...حقيقة فؤادي
اب صوتا متل بلبل .........بلدنا الشادي
ماتحنكش وقال لي والدو هاي... يادادي

رماز حسن
سهر الليل انين اللهفة .......و السهراجة
نار الوحدة و الأشواق ...شديد ازعاجها
قت لطيفو ساعة الدمعة جات دحراجا
ريدتو اتكونت قبالي شفت... امشاجا

عاصم بابكر
نارك شوقك يمين جوه القليب وجاجه
انا واللهفة بيك كل يوم يمين نتناجا
من يوم غبتي قلبي وراك فاقد.. حاجة
لحاظك لي جدار كبد العشوق فجاجه

رماز حسن
لاقاني الجميل القلبي ليه...... متمني
نسمات منو هبن و بالفرح........ عمني
باعدت النظر ساعة العيون...... ضمني
لكن بعدو عاد حال قلبي...... ما طمني

عاصم بابكر
لاقاني الجميل الفي........ مشيو متني
زول بي بعادو عزبني وغرامو.... مكني
الخلاني جد في حسنو ابكي.... واغني
زول بي حبوجنن جن جنوني.... وجني

رماز حسن
الزول الجميل افراحي بيهو..... اتسمو
غرق روحي في الريد و احتواني بيمو
يوم نتلاقي بتبكم و خشمي .... بصمو
ينبض قلبي حت نبضاتي .... ما بنطمو

عاصم بابكر
زولي العاشقو فيو احلي الخصال اتلمو
سماحة اخلاق عقب ذيد ليها خفةدمو
عطرو الفاح يمين للحول ..قسم بنشمو
اسلم سيد هواي اسلم ابوهو........ وامو
الرجوع الى أعلى الصفحة اذهب الى الأسفل
http://algawafy.yoo7.com
 
مجادعة مع رماز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: عاصم بابكر-
انتقل الى: