سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 وافية رقم 009

اذهب الى الأسفل 
كاتب الموضوعرسالة
Admin
Admin
avatar

المساهمات : 428
تاريخ التسجيل : 08/03/2017
العمر : 25

مُساهمةموضوع: وافية رقم 009   الخميس 25 يناير 2018 - 22:46

تِـسـعَــة سَوِّيـتِــن قَصـايـدِك
ولِسَّه في الجُوف ألف وَافيَة
وحا أظَـل أكـتِــب عَـشـانِــك
وشَـان عُيُونِـك يَااااما قَافيَـة
وأمـلأ بـيـكِـي وَطَن مَـجَـرَّح
ما عِرِف طُـول عُـمـرُو عَافيَة
إنـتِـي ياااا عَشَم البِـيَـشـقُـوا
ولِسَّسسة دُنـيـاهُـم مَجَافيَـة
وعَاشُوا رَغم الضِّيـق حَياتُـم
بي ضَمِـيـر والنِـيَّـة صَاااافيَة
وبي عَــشَــم في دُنـيـا تَــدِّي
جُوف بُـطُـونُـم لُقمَة دَاااافيَة

ولِسَّة بَكتِب ..!!
وأحكِي عَن وَافيَـة البِتدخُـل
مِن مَـسَــام الوَحـشَـة لُـقـيَــا
والتَّـفِــج عَـصَــب المَـوَاجِــع
وتِـسـتـقِـر في جُوفِي غُنـيَـة
من زَفيـر الشُوووق بِـتـمـرُق
للغــلابَــة فـي كُللللللِ دُنــيــا
غُنــيَــة للشَّــايِــل هُـمُــومُــو
ولِيهُـو رغَــم الآاااهَة مُـنـيَــة
وَافيَة ضَحكَة حُب بِـتَـطـلَـع
شان تَـشِـق أحـزانِـي عِـنـيَــا
ويِـتـعَــدِل عَــوَج القَـصـايِـد
وفِينِي ماااا تَظـهَـرلُـو تَـنـيَـة

ويَلَّا غَـنِّـي .. !!
يا لِسـان عِـشـقِـي المَـفَـصَّـل
وجَايِي طَـق قَدددر الحَبيبَة
وَافيَة ما الغُنـا شَان عُيُونِـك
لليَتَاااامَي سَمَااااح وطِـيـبَـة
وللغَـلابَـة يَـقِـيــن بِـيَـصـبِـح
لَو كمااااان وَقعَـت مُصـيـبَـة
وَافيَة يا المُـدُن البِتَـضـحَـك
في وَشِـي النَّـاس الغَـريـبَــة
ويا بَـلَـد وأنـا فيـهــا عايِـش
ويَستـحِـيـل في يُوم أسِيبَـا
رِدتَّــهـــا وعَاااااشِق تُــرابـــا
ورَاجِي هَسَّة أشُوف نَصِيبَـا

ومااااا غَرِيبَة ..!!
إنِي أبقَي عَشِيــق وواااافِي
وأبقَي بَررررضُو قَدُر وَفَـاي
وَافيَـة مَاليَة دَواخلِي بَهجَة
وطَالعَـة تَـقــدِل مِن غُـنــاي
وكان طَبِيعِـي أحِـب عُيُونَـا
وبـيــهَــا يِـرتَـبِـــط إنـتِـمَـاي
وأبقَي عايِش وقَلبِي يَنبُض
في وَطـن زَوَّووود شَــقَــاي
وفي زَمَـن أحـزانُـو تَـكـتُــل
فَـرحَـتِـي وعَشَمِـي ورجَـاي
إلاَّ قااااادِر أمَــشِّــي حَـالِــي
وأسـعِــد النَّـــاس المَــعَـــاي
وأكتِــب الأشـوَاق قَـصَـايِــد
مارقَــة مِـنِّــي وبـي رِضــاي

بقلمي ..
وليد الزين ..
الرجوع الى أعلى الصفحة اذهب الى الأسفل
http://algawafy.yoo7.com
 
وافية رقم 009
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: وليد الزين-
انتقل الى: