سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 وافية رقم 007

اذهب الى الأسفل 
كاتب الموضوعرسالة
Admin
Admin
avatar

المساهمات : 425
تاريخ التسجيل : 08/03/2017
العمر : 24

مُساهمةموضوع: وافية رقم 007   الخميس 25 يناير 2018 - 22:49

وَافيَة لاهِيـت مِن غِيابِك
وإنتِي لِسَّع مَاسكَـة فيهُو
ومَهما تَوعِدِي بِي قُعادِك
الوَعِـد مابـتـوفِـي بـيـهُـو
الغِيـاب عِـنـدِك بِـيَــربُــط
قَلـبِـي وإنتِي تَـعَـذِّبـيـهُـو
وشَكـلُو بِيَعجبِـك عَذَابِـي
وجَرحِي لما تَـفَـتِّـقِـيـهُــو
وما بيـهـمِّـك حالِي أصـلاً
عاااادي إنتِي تَجَهجِهيـهُو
وتَخرِبِي الفَـرَح البِيَدخُـل
جُـوَّة جُوفِـي تَبَشتنِـيـهُـو
وعايشة مَسـرُورَة وتَغنِّي
وقَلبِـي بالنَّاااار تَحرِقِيهُـو
أحرِقيهُــو ..!!
وغيبِي زَي مادَايـرة إنتِي
وأعمَلي السَّبَب الظُـرُوف
وأنسِي عندي بَلاوي زَيِّك
وزَي ظُرُوفِـك بالأُلُوووف
إلاَّ ماااا بَـقـــدر أسِـيـبِــك
وبالغِيـاب أملَاكِي خُـوف
وَافيَة يا فَـرَح القَـصـايِـد
ويا حُزُن كُللللل الحُرُوف
يا البَشـيـل مِنِك سَعادتِي
وبـيـنَّـا مُتلاحقَة الكُتُوف
وما حَصَل خَلِيت عُيُونِك
مِنِي تَـشـعُــر بالكُـسُــوف
وعندِي إنتِي عَشَم زَرعتُو
وبيهُو عَمراااانَة الجُـرُوف
ويَات ظُرُوف؟؟
البِـتَـقـدَر تَـبـقَــي عـارِض
وتَمنـعِـك حَـتَّـي الظُـهُـور
لي حَبِيب أهداكِي عُمـرُو
ودِيمة بالأشـواق حُضُـور
وإنتِي مافيشَة بـيـصـارِع
في قصـايــدِك بالشُـهُــور
وما قِدِر يَكـتِـب عَشانِــك
لَافِّي في الفَاضِـي ويَدُور
وبالتَّعـب يا وَافيَـة راقِــد
زَي رُقــاد أهـــل القُــبُــور
بَس قِليبُو يَقِيـنُـو أكككتَر
وبَاقِي في غِيبتِك صَبُـور
طالمـا الأيـــام بِـتَـمـشِــي
وفِـيـهَـــا لـلَّــه الأمُوووور
غِيبِي عاااادِي ..!!
الصَّبـاح لاااابُد حا يَطـلَـع
وشَمسُو أصـلاً ما بتغِيـب
والزَّمَـن ياوَافيَة مااااشِي
وما بيقِيف عَلشَان حَبِيب
غِيبِي بي رَاحتِك حَبِيبتِي
وسِيبِي لَي غِيبتِك نَصِيب
بَرضَي بِيهُو وَحاتِـك إنتِي
مَهمَا كان قاسِـي وصَعِيب
إنتِي خَلِيــك في غِـيـابِـك
وأقسِي ما يهمِّك قِـلـيــب
يِتحرِق يُوم تَـبـقِـي مَافِي
وجَرحُو أصلاً ما بيطِـيـب
إلاَّ وَافيَة تَـكُـون قَـرِيـبَــة
وتَبقَي أكككتَر مِن حَبِيبَـة
وتَنسِـف الحَال الكَـئِـيــب
في وَطَن مُحـتـار يَـفَـكِّــر
وبَالُو بِـيَــودِّي ويَـجِــيــب
لِـسَّـة مَـشـغُـول بالفَـقـارَي
وبِي بُـيُـوت مَطفِـيَّـة نَـارا
الوَجَــــع شَــقَّــق جِــــدَارَا
وسَـابَــا للبُـكَــا والنَّـحـيـب

بقلمي ..
وليد الزين ..
الرجوع الى أعلى الصفحة اذهب الى الأسفل
http://algawafy.yoo7.com
 
وافية رقم 007
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: وليد الزين-
انتقل الى: