سهر القوافي
مرحباً بــگ زائرنا الكريم في منتديات سهر القوافي.
هذه الرسالة توحي بأنك لم تسجل في هذا المنتدى , او لم تقُـــم بالدخول.
اذا كانت هذه الزيارة للمرة الاولى ندعوك للتسجيل حتي تتمكن من المشاركة معنا, او قم بالدخول.

سهر القوافي

سهرة الاربعاء على البيت السوداني
 
الرئيسيةالرئيسية  المنشوراتالمنشورات  بحـثبحـث  التسجيلالتسجيل  دخول  

البينا اكﺘﺮ ﻣﻦ ﻣﺤﺒﻪ ﻭﻟﻴﻨﺎ ﻣﻠﻴﻮﻥ ﺃﻟﻒ ﺭﺍﺑﻂ ﻟﻤﺎ ﺟﻤﻌﺘﻨﺎ ﺍﻟﻘﻮﺍﻓﻲ ﻭﺍﻟﺘﺰﻣﻨﺎﻫﺎ ﺍﻟﻀﻮﺍﺑﻂ ﺍﻷﺛﻴﺮ ﻛﺎﻥ ﻣﻠﺘﻘﺎﻧﺎ ﻭﺍﻟﺸﻌﺮ ﺍﻳﻘﺎﻋﻮ ﺿﺎﺑﻂ ﻟﻤﺎ ﻧﺮﺟﺎﻫﻮ ﺑﺤﺮﺍﺭﻩ ﻭﻧﻀﺒﻂ ﺍﻟﻤﻮﺟﻪ ﻭﻧﺮﺍﺑﻂ ﻛﻞ ﺑﻘﺎﻉ ﺑﻠﺪﻱ ﻭﺭﺑﻮﻋﻬﺎ ﻓﻲ ﺍﻟﺴﻬﺮ ﻟﻴﻬﻢ ﺣﻜﺎﻳﻪ ﻓﻲ ﺍﻟﺸﺮﻕ ﺷﻴﻜﺎﻱ ﻣﻌﺬﺏ ﻭﻓﻲ ﺍﻟﻐﺮﺏ ﻣﺸﺠﻮﻧﻪ ﺁﻳﻪ ﻭﺍﻟﺤﻨﺎﺩﻳﺚ ﻓﻲ ﺍﻷﺑﻴﺾ ﻭﺍﻟﺸﻤﺎﻝ ﺍﻟﻔﻨﻮ ﺭﺍﻳﻪ ﻭﺻﻮﺗﻨﺎ ﻭﺍﺻﻞ ﻟﻠﺠﺰﻳﺮﺓ ﻭﻣﻠﺘﻘﻲ ﺍﻟﻨﻴﻠﻴﻦ ﺑﺪﺍﻳﻪ ﺍﻟﺴﻬﺮ ﻋﺸﺎﻗﻮ ﻗﻤﻪ ﺑﺎﻟﻤﻼﻳﻴﻦ ﻭﺍﻻﻟﻮﻑ ﻛﻠﻬﻢ ﺯﻱ ﺍﺳﺮﻩ ﻭﺍﺣﺪﻩ ﺃﺳﺮﻩ ﻟﻤﺘﻬﺎ ﺍﻟﺤﺮﻭﻑ ﻓﻲ ﺍﻟﻔﺮﺡ ﻳﺎﻫﻢ ﺣﺒﺎﻳﺐ ﻭﺑﺮﺿﻮ ﻓﻲ ﺍﻗﺴﻲ ﺍﻟﻈﺮﻭﻑ ﻭﻫﺴﻪ ﻟﻠﻌﺮﺳﺎﻥ ﺑﻬﻨﻮ ﺑﺎﻟﻤﺰﺍﺯﻳﻚ ﻭﺍﻟﺪﻓﻮﻑ ﻭﺍﻟﻮﺭﺩ ﺑﻲ ﻃﺒﻌﻮ ﺟﺎﺫﺏ ﻟﻠﻔﺮﺍﺵ ﺑﻲ ﻛﻞ ﺑﺮﺍﻋﻪ ﺯﻳﻮ ﺟﻤﻬﻮﺭ ﺍﻟﻘﻮﺍﻓﻲ ﻛﻞ ﻳﻮﻡ ﺯﺍﺋﺪ ﺟﻤﺎﻋﻪ ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺃﻛﺒﺮ ﻣﻦ ﺣﺮﻭﻑ ﻧﻬﻮﻯ ﺍﺳﺘﻤﺎﻋﺎ ﻭﻃﺎﻟﻤﺎ ﺑﻨﺴﻤﻊ ﺳﻮﻳﺎ ﺑﻨﺒﻘﻲ ﺇﺧﻮﺍﻥ ﻓﻲ ﺍﻻﺫﺍﻋﻪ

شاطر | 
 

 كونـــي انتـــي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 379
تاريخ التسجيل : 08/03/2017
العمر : 24

مُساهمةموضوع: كونـــي انتـــي   الثلاثاء 14 مارس 2017 - 22:56

كوني انتي

اخُدي من الظلمه ضوك
ومن ضياع فكري المشلهت
للخلوق انشري فرحه
وشيلي اخر زره تثبت
اني اصلا كنتا كائن
وفي الوجود كان ليا صفحه
واكتبيني علي هوامش
في سحاب من كوني راحل
لي عوالم تاني سمحه
ياخ تعالي
ياخ تعالي نقاط تساؤل
في عقل لسه بيفتش
لي حبيبه تكون شهيده
ومدي ايدك قدر انك
تلقي في جواي مقاطع
يصبحن حُتراب قصيده
واطردي السكك البدسن
باقي خطوات ذئب قاتل
لسه فاكر الدهشه صيده
او تعبدي في ضياعك
ولو تحصلي فرض انك
تبقي اخر بت فريده
ولو خيول الشوق لهنك
طوفي مسحاً بي رقابن
ضحي بيهن للفريضه
ومني انشلي ياخي زاتي
اصلي اصبح شاكي فيها
انها الذات المريضه
وماتخافي
لوفقدتك في عيوني
واتخذتا خليله غيرك
تبقا ساعة الجن محايه
او لقيتك بين كانك
لايمه نفسك انك اصلا
بين ظنون الكلمه جايه
وماتخافي
لولمحتي الضو يغادر
غرفة اطفال الشوارع
قبل تكتمل الروايه
ولولقيتي حبيب عيونك
لسه يتعلم يتمتم
وماوصل حد القرايه
او لقيتي اناكي ناكر
انك اصلا كنتي انك
للضياع مرفوعه رايه
وماتخافي
لو عرفتي باني صوره
في خيال شافع بيحلم
انو باكر يبقا ياني
او عرفتي باني مقطع
في خضم تاريخ مشوه
خالي من كل المعاني
وانتي بي البين لمحتي
اني طيره وحيده جدا
في فراغ كوني الفلاني
وشفع الحله البشبختو
في حيطنا بيرسموني
زي تمائم للمباني
وابدي خافي
اني اطلع شخص عاقل
في جدار عالم مشوش
في عيون شافع مُشرد
او اكون راهب تبتل
لي اذية كل كائن
في امتداد كونا المجرد
ولا صدفه لقيتي زاتي
انكرت جدا وجودي
في عقاب نور لمبه اسود
وقمة الجدليه انك
لما تلقا حبيب يريدك
وفيهو جينات بشبهنك
وقمة الماديه انك
لما تثبت للبريدك
في انحسار الضوء كانك
قُدرتك قدر انو تلمح
رسمة الدنيا الكبيره
بي رياش رسام محنك
او بتقدر تبقا صابر
لورصيف الوجعه صفق
مدا خطواتو وتحرك
وماتخافي
لو لمحتي خيالي شافع
ماسكه ايدو خيال فراشه
فاكر انها ياها امو
او حرف ضاع من قصيده
مالقالو طريقه يرجع
لي وطن كلمه بتضمو
وسمي نفسك لي حقيقه
شان ولاد الهم يعرفو
كيف من الضو يستحمو
ووسميني حقيقه مُره
عن جرحو رافض يصدق
انو ينزف لسه دمو
وماتخافي
لو سجنتك بين ضلوعي
وجوه توجتك اميره
واندمجنا بقينا واحد
ولو سمعتي الناس تهلل
لما يسمعو انو صوتك
الهب اجراس المعابد
ياخي خافي علي جدا
من ضفاف افكار تبعد
عن منارات المساجد
واجبريني اكون حبيبك
غصب عن روحي البترفض
وغصب عن زمني البعاند
واقبليني جواكي راهب
ليكي ينشد كل مقطع
في سِفر كل شخص عابد
وابقي لي في ضلعي قوه
لو لمحتي خيالي يلعن
وفي الفراغ واقف يجابد
وكوني انتي وكوني ياني
وكوني خوفي وامتناني
وكوني لي كل الشواهد
كوني انتي

حسام كبلي
الرجوع الى أعلى الصفحة اذهب الى الأسفل
http://algawafy.yoo7.com
 
كونـــي انتـــي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهر القوافي :: شعراء السهر :: حُسام كِبلي-
انتقل الى: